Valmiki Ramayan se bhi zayada jag prasiddh Goswami Tulsi Das Ji

ki Ramcharitramas jo har kisi k ghar mai paayi jaatihai,

Hanuman Chalisa ho hamare desh k har bacche ko bachpan se yaad karai jaati hai.

Kitaab ko toh har insaan jaanta hai,

lakin kitaab ko likhne waale k struggles,

uski mehnat koi nhi jaanta.

Bachpan se hi Goswami ji

ki sabne badi ninda ki

unke alag swabhaav aur alag vyaktitva ki vajah se.

Akhbar k zamane mai

Ram naam ka jaap karte the vo.

Shiv–Parvati se vardaan paaya likhne ka.

Jab jaana logon ne tab

sab bada hass pade bole,

“Jisko khud uske maa-baap ne

ghar ne choti umar mai nikaal diya

usko Bhagwaan khud Kali Yug mai

apne darshan denge…”

Parantu satya toh yahi tha,

varna kaun Akhbar rajya mai

itni badi katha likh paata?

Aakhir Bhagwaan Valmiki ji ko bhi toh

Devi Rishi Narad aur Brahmadev ka

vardaan tha Ramayan likhne ka.

Jag hassta raha,

Goswami ji ko bura lagta raha.

Har ek shabd dil pe

maano tez teer ki tarah lagta gaya.

Poore shareer pe ghaav ho gaye the,

par unn sabka ilaaj bas

ek Ram ka naam

aur unki kalam aur kitaab.

Ram naam japte gaye

aur likhte gaye unki katha apaar.

Logon ne itna bola ki

ek baar toh unke mann mai bhi aayi ek baat,

“Kya chorh du mai likhna?”

Parantu phir dusre hi pal

khud se prashn kiya,

“Kya astitva hai mera

Ram aur meri kalam kitaab k bina?

Kaun hu mai bina apne Ram k?”

Pehchaan gaye the

apne jeevan ka laksh,

apne janam ka kaaran.

Unka toh janm hi

Ram ko Kali Yug mai jeevit rakhne k liye hua tha.

Khud se pucho ek baar,

Valmiki Ramayan toh hai Sanskrit mai

aur thi Treta Yug ki.

Aaj tum Ram ka naam jaante ho

toh vo kiski vajah se?

Hanuman ji k tumko janm ki katha nhi pata,

tumko ye nhi pata hoga

ki vo the Shiv ka avtaar.

Tumko ye tak nhi pata hoga

ki Hanuman ji hai Chiranjeevi,

lakin tumko Hanuman Chalisa

zarur rati hogi.

Kiski vajah se aaj ye hai?

Khud k liye kuch nhi kiya unhone,

jo kiya apne Ram k aadesh anusaar kiya.

Khud ko toh unko

jeevan bhar sunna hi pada —

gharwaalon se,

samajh se,

doston se

aur jaane waalon se.

Aur aaj dekho…

Aasaan nhi tha unka jeevan.

Ramcharitramanas ab likh toh li thi,

phir baari aayi usko publish karane ki.

Treta Yug aur Dwapar Yug ki tarah

Kali Yug mai patte pe likhi kitaab

nhi padhta tha koi.

Bhale hi baat ho 17th century ki.

Kali Yug mai kitaab publish karwane k liye

karne padte the bahot jhanjhat.

Kitaab ka accha attractive cover hona chahiye,

page ki acchi quality honi chahiye,

marketing plan hona chahiye,

writer ka background accha hona chahiye

aur bhot kuch andar ki baaten.

Kali Yug k 97% log

bahari sundarta pe jaate hai.

Bhot jaldi judge kar lete hai.

Bharat k top most publishers se

rejection paa liya tha Goswami ji ne.

Kyuki Akhbar k rajya mai

kaise publish karte vo Ram k upar kitaab?

Valmiki Ramayan thi toh

bas ek kaafi hai.

Tab bhi haar naa maani Goswami ji ne.

Unko toh publish karani thi

apne Ram ki kahani.

Bataya unhone jab publishers ko

ki hai ye Shiv–Parvati ka aashirvaad.

Tab hass pade vo bhi.

Kaha, “Paagal hai ye.

Duur rho isse.”

Bhot sunn li sabki.

Ab apni hi kitaab mai se

Lakshman ji ki ek baat yaad aayi,

“Har baar chuppi theek nhi.

Bolna zaruri hota hai.

Jab baat hadd se zyada badhne lage

tab chuppi tod deni chahiye.”

Saalon ki chuppi todi aur bola,

“Naa maano meri baat tum,

lakin dekh lena —

Surya uday hone se pehle

honge mere Shiv k signatures isspe.

Tab matt kehna

ki nhi chaapni tumko meri kitaab.”

Publishers phir hass diye,

“Arre jaa jaa, paagal hai tu toh.

Bhagwaan k signatures karayega.”

Kashi Vishwanath Mandir mai

rakh di Goswami ji ne apni amanat.

Raat bhar Kashi k Assi Ghaat pe

baithe bita di unhone raat saari.

Subah jab aankh khuli

toh gaye vo mandir.

Kuch aashcharyachakit nhi huai

Shiv k signatures dekh kar.

Kyuki unhe toh pata tha —

yeh toh hona hi tha.

Dikha diya publishers ko.

Publishers bhi shocked.

Ab itne bade publishers

apna muh chhupaye bhi toh kaha chhupaye?

Haath jorh maafi maangi.

Jaise hi Ramcharitramanas bazaar mai aayi,

tahalaka mach gaya.

Ab sab koi padhne laga

aur gaane laga Ram k gun.

Akhbar ki hi baat le lo,

khud padhi thi usne Ramcharitramanas

aur pair chhuye the Goswami ji k.

Jo log hasste the Goswami ji pe,

vahi log poojne lage unko.

Ek baar pareshaan mann se

Goswami ji ne apne Ram se kaha,

“Prabhu ye dekh rahe ho na aap…”

jab log jeevan bhar unki ninda karte rahe.

Uss waqt unke Ram ne kaha tha,

“Waqt aane de…”

Aur jab vo waqt aaya,

tab Goswami ji aasmaan mai

apne Ram ko dekh kar muskura diye.

Sach kaha hai,

“Samay jab nyaay karta hai,

tab gawahi ki zarurat nhi padti.”

Goswami ji ki itni ninda karne waalon ka

muh band ho gaya.

Aaj k iss yug mai

koi keh nhi sakta unke khilaaf kuch.

Ayodhya mai Goswami ji ka ek mandir hai,

jaha koi vyakti Ayodhya jaaye

aur naa jaaye —

aisa ho hi nhi sakta.

Aur Bhagwaan Valmiki,

jinki vajah se Ramayan hamare saath hai,

unka Kanpur k Bithoor mai

Valmiki Aashram hai.

Haan, vahi jaha Luv-Kush ka janm hua,

jaha Sita ji ne

apna bacha hua jeevan bitaya.

Uske baare mai

Kanpur k hi logon ko bhi

nhi pata…