Jag hassta tha mujhpe,

“Kesi preet tujhe hai laagi,

naa vo tujhe kabhi mil paayega

naa tu kabhi ho paayegi.”

Arre tum kya jaano

bhakti ki ka ye bandhan,

hu mai bhi uski

aur hai vo bhi mere.

Mai jaanti hu,

naa mai kabhi Rukmini bann sakti

naa mai kabhi Radha

aur naa hi unn 1600 kanyao jitni saubhagin.

Naa mai Dwapar Yug mai jaa sakti

naa mere Shyaam Kali Yug mai

manav roop mai aa sakte.

Parantu,

jisse tum bas mitti ki murti kehte ho,

usmai toh mere Shyaam ka vaas hai.

Mere Krishna toh hai amar,

avinashi,

prakriti k karn-karn mai hai vo.

Mujh mai bhi hai vo,

tum mai bhi hai vo.

Uss aam k paed pe latakte huai

aam mai bhi vo,

toh nadi ki lehron mai bhi hai vo.

Mere jiss prem ko le kar tum hasste ho,

vo tum jaiso k prem se

toh bhot hi zayada

santushti dene waala hai.

Tumne manushya ko vara

aur badle mai bas dukh hi paaya hai.

Mainne sakshat Narayan ko hai vara,

isliye ab jeevan k kaanten bhi

kamal k pushp k samaan lagte.

Laakhon zulm kiye gaye mujhpe,

laakhon baar shariyantra rache

mujhe maarne ke liye,

mujhe peedha pahauchane ke liye.

Parantu,

koi ek nishaan tak nhi laga paaya

mere pavitra shareer pe,

kyuki mujhe sanrakshan pradaan karte hai

swayam Narayan.

Manushya ko prem kar ke

bas dukh hi milta hai.

Mainne prabhu ko apna banaya,

prabhu se prem kiya

toh prabhu ne mere

kaanton bhare raaste mai bhi

pushp bikher diye.

Mujhe vo prem diya

jo koi manushya

kisi jeevan mai

kabhi de nhi sakta.

Jag hassta tha baaton pe meri,

parantu satya hai ye jeevan ka.

Ek baar prabhu se

prem kar ke toh dekho,

jeevan k saare dukh

bhool jaaoge.

Ek baar prabhu ka

haath thaam kar toh dekho,

vo manushyon ki tarah

kabhi beech raaste par

haath nahi chhodte.

Ek baar prabhu ki

sharan mai aa kar toh dekho,

vo kabhi kisi ko

dhokha nahi dete.

Ek baar bas

prabhu ko apna bana kar toh dekho…