Alag swabhaav hona koi burrai nhi hai balki hai acchai.

Kya mukaam haasil kar loge tum

ushi 10000 logon ki bheed mai

khade ho ke aur ban ke unke samaan?

Mujhe toh banna tha

ek aisa chamakta hua heera

jo ghoor andhere mai bhi

roshni failaaye.

Jiski prerna log le…

Par dekh na paaya koi tyaag mera.

Siya ki peedha toh sabne dekh li

magar kyu bhool gaye

mera vo apaar tyaag?

Naa mili mujhe koi khushi

vo tyaag karke,

naa mile koi gam.

Santushti thi toh bas mann mai

iss baat ki,

nibha paayi mai apne pati ka

unke dharma mai saath.

Pati ka saath toh

jeevan bhar ka hota hai,

magar saas-sasur ka saath toh

bas kuch varsho ka hi hota hai.

Ishiliye sweekar kar liya

mainne apne pati se viyog,

kyuki banna tha mujhe

apni saas-sasur ki shakti.

Chaudah varsho ki doori ko

hass kar kiya sweekar,

bina laaye aankhon mai

ek bhi aansu.

Ki saas-sasur ki seva mai

apaar kami na mehsoos ho unhe

unke pyaare Ram, Lakhan aur Siya ki…

Kaale baadalo si ghiri hui thi

Awadh ki nagri,

chod chale jab sabke chahite

Pitaji Maharaj hamare.

Mataon ki stithi ho gayi thi gambhir,

maano kisi bhi shan

tyaag de vo apne praan.

Bharath-Shatrughan,

Mandvi-Shrutakeerti

ko aane mai din lage 15.

Akele sambhala poore rajya ko

uss waqt,

bas yaad kar ke

apne Ram bhaiya ki seekh ko…

Bachpan se aazaad panchi ki

zindagi jeene waali mai,

vo chidiya ho gayi thi bas

ek pinjre mai band,

maano kaat liye ho kisi ne

mere parr.

Phir bhi kabhi himmat naa haari mainne,

kyuki kehti thi Maata Sumitra

ki hu mai unke aas ka

ek deepak…

Tha tyaag mera apaar,

koi seema na thi

mere uss apaar tyaag ki.

Phir bhi kyu bhool gaya sansaar

ki URMILA naamak stree bhi thi?

Janak Dulari mai Mithila ki,

Yoddha Rajkumari mai,

nidar hokar ladti rahi mai,

chaahe ho vo yuddh sthar

ya ho vo jeevan ki kathoor paristhitiyaan…

Natkhat si ladki ka

badal gaya roop

jab jeevan ki sabse badi

khushi ka hua anubhav.

Maa kehne ko aaye

mere aankhon ke taare,

mere dulare

Angad-Chandraketu.

Di putron ko seekh

nidar aur sahsi banne ki,

ikdum apne pita ki tarah.

Maa ka kartavya poora kar hi rahi thi

ki aagman hua

hamari nanhi si pari Somada ka.

Chehak utha phir se

Awadh ka aangan

nanhi gudiya ki kilkaariyon se.

Siya ki leela ko dekho,

chod chali mere sahare

putron ko apne.

“Maa” keh ke bulate the

mere Luv-Kush, praan pyaare.

Dekh naa paaya mere

Ram Bhaiya ki peedha

koi uss waqt.

Rajya dharma mai phas kar

liya nirnay apaar.

Thi mai uss waqt

Raghuveer ke sang,

nibhaya ek choti behen ka kartavya.

Sambhala poora parivaar,

jod ke rakha

ek moti ki mala ke samaan.

Bola jab prabhu ne

ki hai tumhara sthaan

tumhare pati ke bagal mai,

naa aao tum charno mai mere.

Phir bhi thukra diya mainne

unka vo diya hua prastaav,

kyuki mujhe toh din-raat

karni thi seva

prabhu charno ki…

Naa jaane kab phir se

ujiyara chhaa jaayega,

mujhko jag phir se

jaan paayega…